Vlamsch 
Français 
English Nieuws
'T West-Vlamsch op den luudigen Atlas van de streeketaelen van Frankryk
In Oktoober, me hadden mee den CNRS evrocht om een faebel te vervlamschen en te opneemen in den kaeder van 't oprechten van een luudigen Atlas van de streeketaelen van Frankryk. En 't is djuust binst de Weeke van de Vlamsche Taele dat 't werk gereëd is en dat me blyde zyn van den Atlas te toogen.
Den CNRS, lik de UNESCO en de Ministeerje van de Kuulteure, zegt azoo dat 't West-Vlamsch de streeketaele van Fransch-Vlaenderen is. En is dat nie schoone ?
Om op den luudigen Atlas te gaen, klykt om de kaerte.
Depuuteis vooizingen en West-Vlamsch : de antoorden van de kandidaeten
Lyk de geweunte binst de vooizingen, me hen an de kandidaeten van de drie deëlen van de arrondissement van Duunkerke eschreeven om te weeten wuk ze gaen voor nuuze Vlamsche taele doen et ze evooisd zyn. Me hen vier vraegen estelt en 11 kandidaeten hen antoord. Azoo, al klyken op 't zantje voor te gaen vooizen, je gaet kunnen leezen wien het beloofd van nuuze streeketaele te helpen en hoe ze gaen dat doen.
Tourisme, Puublyk office en Vlamsche taele na Steenvoorde
Bénédicte Crepel en Valérie Vanhersel -konselvrouwen van den Streekeraed-, Elisabeth Laurent -directrice van 't Huus van de tourisme van Rysel-, Philippe Masingarbe -voorzitter van den Vlamschen komiteit van Frankryk- en Jean-Paul Couché -voorzitter van de ANVT- waeren na Steenvoorde mee Vlaenderen Streeke Tourisme (Yves Debruyne, Maxime Deplanque en Marie-Ange Ollivier) om te klappen van :
1) wulk de Vlamsche taele kunt an de tourisme bringen
2) de identiteit van de streeke
3) de noodighyd van een Puublyke Office van 't Westvlamsch op te rechten
Waerom : 't werk, 't antrekken van de streeke, 't leeren, de kuulteure, ...
2de Weeke van de West-Vlamsche taele
Voor 't tweede jaer, me gaen een weeke van nuuze streeketaele - 't West-Vlamsch - oprechten en deeze keer van den 6den toet den 13sten van Juuing mee 10 defrente aktiviteiten binst de zeeven daegen : rhetoryke vergaeringe, Vlamsche liedjes, tweëtaeligen voettoer, radio uutzendinge, konferensje, memooriewerk, taele opgaeringe, ... Ael de aktiviteiten zyn oopen buuten de initiaesje in de schoole.Je zyt welekommen !
De Paradysveugels - theaeterstiksche in 't Westvlamsch voor de 2 kanten van de schreeve
Me waeren blyde van Roland Delannoy te ontvangen, van de troupe van den Volkstheaeter Flor Barbry voor Fransch-Vlaenderen, binste nuuze maendelike uutzendinge op Radio Uulspeegel
Den volkstheaeter is weere om 't sezoen 2016-2017.
Dat stiksche in 't Westvlamsch gaet 33 keers espeelt zyn voor de tweë kanten van de schreeve in 13 prochien van Fransch-Vlaenderen en 15 van Vlaenderen oover de schreeve van den 19sten november toet den 5den maertemaend.
'T is vansichten 't jaer 1954 dat den volkstheaeter speelt mee suukses en je en kunt de stiksches nie gaen zien en hooren zonder lachen ... of kryschen. Die stiksches zyn oek de okkaezje vansichten meer of 50 jaeren van t' hooren dat nuuze streeketaele, een taele van de Vlaemingen van de tweë kanten van de schreeve is.
Je gaet hier den program vinden al klyken
Subcategorieën
Nieuws van 't Nethuuseke 3
Deze nieuws gaen an 't verbeeteren van 't nethuuseke
letterkunste, medias en leute 12
Uutvaelen 151
Je gaet hier defrente uutvaelen vinden op 't vlaemsch.
Muuzyke Feestdaegen, Feesten van de taelen, ...
'T gebruuk van 't Vlamsch 87
Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...
Nieuws van de ANVT 62
Les actualités suivantes concernent directement l'institut.
Exemples: Assemblée Générale, Réunion au Ministère de l'éductation, ...
Gazetten 0
Ces actualités concernent la publication de nos gazettes
Exemples : Le Bulletin de l'Institut, La Gazette de la Charte
Spreuken & Spreekwoorden
