De 11ste Weeke van 't West-Vlamsch het zaeterdag den 28sten van Maertemaend volend mit een rhetorykevergaeringe, (de 22ste dan me oprechten) waer de leërlingen van de Vlamsche lessen, nhulder kosters, de meidoenders van de Vlamsche konversaesjen en tefrende liefhebbers van nuuze schoone streeketaele waeren tegaere om teksten, vertellingen, gedichten, stiksches te leezen dan ze in de tweë taelen eschreeven hadden rond 10 woorden "om een weereld te bekommen".

Vrydag den 27sten van Maertemaend, voor den 6den dag, ‘t is Wormhout en ‘t oudemenschenhuus die de Weeke van ‘t West-Vlamsch ontvangd het.

Den laetsten dag van de Weeke van ‘t West-Vlamsch het na Sint-Sylvestercappel begunt mee ‘t handteëken van de keure “Ja om ‘t Vlamsch” deur ze burgemeëster Claude Bodèle.

Dunderdag den 26sten van Maertemaned, voor den 5den dag van de 11ste Weeke van ‘t West-Vlamsch, me waeren na Zuudpeëne om een plekkenaemenvergaeringe te houden mee de inwonders dien ‘t durp wel kennen en eërst van ael de hoeksches, de straeten en weggen, de beeken, … en nhulder naemen in ‘t West-Vlamsch om ze te opgaeren.