Nieuws

8ste Taele en Muuzyke Feestdaegen

: 03 oktober 2012

D' 8ste Taele en Muuzyke Feestdaegen zyn gereed !
Lyk alle 2 jaeren, de Vlaemsche Feestdaegen zyn mee de Landen van Vlaenderen en mee Tradiflandre opericht. En dit jaer, 't is 't stei van Belle diet de feeste gaet ountvangen.
In den program van d'8ste Feestdaegen : de joungens van de schoolen gaen bezien van t vlaemsch te klappen, de vergaeringe van rhetorykers, konferensje, vlaemsche muuzykespils van oovertyd en van nuuw, expozysjen van meer of 30 kulteure associaesjen en schryvers.
In den program van de 4den Tradiflandre : groote markt van landproduukten, vlaemsch pachtgoed, oude manieren, reuzen processje, wegvliegen van duuven, volksdansen ...
Om den heelen program, klykt hier !
Om ael te weeten van d'8ste Taele en Muuzyke Feestdaegen, je kut oek op 't nethuuseke van de Feestdaegen en op Facebook gaen kyken.

De vlaemsche lessen in 't schoole en mee d'associaesjen weere-begunnen

: 18 september 2012

T nieuw schoolejaer is daer, om de groote menschen, in t schoole, in de koleegen en oek in dHoogeschoole !
De vlaemsche lessen gaen nog een keer voorwaert. 'T zyn nog een keer veele lessen en een goed nieuw.
Lessen mee d'associaesjen om de groote menschen : ze gaen egeeven zyn in 19 prochien, van Duunkerke toet Niepkerke mee 26 lessen elk weeke van den maendag toet den zaeterdag. 'T zyn oek 7 konversaesjen waer de menschen gaen vlaemsch kun klappen. T is deerste keer dat men zoveele lessen.
In 't krutschoole : 'T vlaemsch is eleerd in 4 schoolen van d'arroundyssement : 3 puublyke schoole (van den CE2 toet den CM2) en een lyber schoole (van de GS toet den CM2) waer ze kun vansichten 't jaer 2007 de streeketaele leeren (13 lessen).
In de koleegen : Dit jaer, t zyn drie lyber koleegen dien gaen vlaemsche lessen geeven an de jounge menschen van de 6de en oek misschiens an de 5de : in Bergen, Broekburg en Hondschoote.
En nuuw in dHoogeschoole van Rysel I : 'T is 't teeken dan m'hen een nieuwe paege edraeit mit een taelewerkplekke om het vlaemsch om de dien die in dHoogeschoole van Rysel I ineschreeven zyn. At jen het dat nog nie edaen, t is nuuw tyd !

Achter den suukses van de probaesje van de vlaemsche lessen in t schoole, mhen een geschryft egeeven an de Mynisterie voor t Schoole mee dhelpe van een stik of hounderd ingevooisde menschen om een akoord te krygen omdat de streeketaele kut eleerd zyn in alle de schoolen dien dat vraegen.
Om ael te weeten je moet klyken op : vlaemschelessen2012-2013

Streeketaelen en vooizinge om den President

: 19 april 2012

In een paer daegen, me gaen den naesten President van de fransche Repuublyke vooizen.

Nuuze Akademie is member van de "Collectif du 31 mars 2012" en ze wult doen weeten wulk de kandydaeten om president te zyn peinzen van de streeketaelen. Deurdat zounder wet, zounder de Konstytuusje van Frankryk te veranderen, en zounder d'Europeesche Keure om de streeketaelen te teeken, 't en gaet nie veraenderen en verbeeteren om nuuze streeketaelen en voral om nuus vlaemsch.
D'oungelykighyd tusschen 't vlaemsch en d'andere streeketaelen van Frankryk gaet nooit weggaen zounder dat.

Voor te kiezen en te vooizen, lees maer :

Vlaemsch en Vooizinge om de depuuteien

: 07 juni 2012

De vooizinge om den President is edaen, me moeten nuuw de depuuteien invooizen.
M' hen eschreeven an de kandidaeten van de drie deelen van d'arroundyssement van Duunkerke
'T zyn veele van die kandidaeten dien nuuzen tekst "Ja om het vlaemsch" al eteeken hen.
En m' hen nuuw 3 vraegen estelt :

At je gaet inevooisd zyn, hoe gaet je doen om dat het vlaemsch eleerd gaet zyn ?
Wuk peinst je van d 'Europeansche Keure om de Streeketaelen van te teeken ?
Zyt je akoord omdat de puublyke plakkaerds tweetaelig zyn ?

Je gaet d'antooren van de kandidaeten kunleezen al klyken hier

Tegaere om nuuze streeketaelen

: 31 maart 2012

Mee zoveele manifestaesjen in tefrende streeken van Frankryk, vandaege was den dag van de streeketaelen in Frankryk.

Den artykel 75-1 dien in de Konstytuusje van de fransche Naesje ineschreeven ewist het in 't jaere 2008 en het niet edaen om de taelen van nuuze streeken.
Maer 't is bykan de vooizinge om den President en de members van den Raed van de Naesje te kiezen. En 't is daervooren dat de menschen hen vandaege een manifestaesje opericht in veele streeken van Frankryk (ziet maer op http://www.languesregionales.org/ ).

In nuuze streeke, de menschen dien vlaemsch ou patoosch klappen hen beschikt om tegaere te zeggen dat ze wullen dat nuldere taelen eleerd zyn in 't schoole.

Om meer te weeten (maer 't is in 't fransch)
La Voix du Nord , Voix du Nord 2 , Voix du Nord 3 ,
20 minutes

TF1 , le Point , la Gazette des communes
fr.news.yahoo.com