Nieuws

Departement Vooizinge 2015 : Vraegen an de kandydaeten van de arrondyssement van Duunkerke

: 17 maart 2015

Lyk by elk vooizinge, nuuze Akademie vraegt an de principaelste kandydaeten wulk ze peinzen doen om nuuze streeketaele et ze inevooisd zyn.

Deeze keer me hen dit vraege esteld :

Wynne peinst je van :

- nuuze vraege van te kunnen tweëtaelige lessen geeven in de schoolen van d'arrondyssement van Duunkerke omdat de jonge gasten meer chanse kunnen hen van een werk te kunnen vinden
- de promosje van nuuze Keure "Ja om 't Vlamsch" om tweëtaelige paneels en wegwyzers Vlamsch/Fransch te kunnen doen staen op de routen van de arrondyssement van Duunkerke en ooverael waerdat me de Vlamsche taele kunnen zien.

- een akkoord te kunnen teeken tusschen den Departement en de ANVT om de promoosje van de streeketaele te doen in nuuzen Westhoek en om een geldhelpe nuus te geeven.

Je gaet de antoorden kunnen leezen op nuus nethuuseke en me gaen ze an nuuze members en an de gazetten zenden.

Departement Vooizinge 2015 : Antoorden van de kandydaeten

: 17 maart 2015

Je gaet hier de antoorden van de kandydaeten vinden die etwat wullen doen om nuuze streeketaele.

Klykt op : De antoorden van de kandydaeten

10ste Taele en Muuzyke Feestdaegen - 03-04-05/10/2014 - Steenvoorde

: 01 oktober 2014

De 10ste Taele en Muuzyke Feestdaegen zyn gereëd !

Ze gaen om de eerste keer naer Steenvoorde gebeuren, mee de Hommelfeeste.

Van de initiaesje van de schoolejongens in de meuren van de Jean de la Fontaineschoole toet de die in de feestsaele, Ryckewaertplatse, om de schoolejongens van de Onze Lieve Vrouwe van Lourdesschoole,
van de rhetoryke vergaeringe in de eeresalongs van 't Steihuus toet de muuzykespils op de Sinte Pietersplatse, 't gaet de feeste zyn om de 10sten verjaerdag van de Vlamsche Taele en Muuzyke Feestdaegen.

Om den heelen program te leezen, klykt hier !

Beste Wenschen om 2015

: 23 december 2014

De vlamsche lessen in 't schoole en mee d'associaesjen gaen weere-begunnen

: 01 september 2014

Mee 't nieuw schoolejaer de vlamsche lessen gaen voorwaert. Je gaet nog een keer veele lessen kunnen vinden.
Lessen mee d'associaesjen om de groote menschen : ze gaen egeeven zyn in 18 prochien, van Duunkerke toet Niepkerke mee 23 lessen elk weeke van den maendag toet den zaeterdag achternoene. 'T zyn oek 6 konversaesjen waer de menschen gaen vlamsch kun klappen.
In 't krutschoole : 'T vlamsch is eleerd in 4 schoolen van d'arroundyssement : 3 puublyke schoole (van den CE2 toet den CM2) en een lyber schoole (van de MS toet den CM2) waer ze kun vansichten 't jaer 2007 de streeketaele leeren. Een initiaesje gaet oek egeeven zyn in de puublyke schoole van Bergen en in de lyber schoole en de puublyke schoole van Respoe.
In de koleegen : Dit jaer, t zyn drie lyber koleegen dien gaen vlamsche lessen geeven an de jounge menschen van de 6de en oek an de 5de : in Bergen, Broekburg en Hondschoote.
En nuuw in dHoogeschoole van Rysel I : een taelewerkplekke om het vlamsch bestaet om de dien die in dHoogeschoole van Rysel I ineschreeven zyn of werken.

Om ael te weeten je moet klyken op vlamsche lessen 2014-2015