Nieuws

Wet om de weerefondaesje van 't schoole - Deël 1

: 20 maart 2013

At d'assocyaesjen om de streeketaelen hen hoord klappen van een wet om 't schoole, een stik of 18 van deeze assocyaesjen (de ANVT doet mee) hen beschikt van te schryven an de members van 't Parlement om te vraegen van de streeketaelen in de wet te schryven deurdat ze waren "emist" van de Minysterie voor 't Schoole.

M' hen nulder een lyste van verangeringen ezendt om ze te schyven in de wet en om een brief an den minister te zenden

Veele members van 't Parlement hen nuus antoord.

Je gaet hier de brieven van 5 depuuteis en senateur van 't Noord en van den Pas de Calais kun leezen :

Alain Bocquet GDR Depuutei van 't Noord
Marc-Philippe Daubresse UMP Depuutei van 't Noord
Bernard Roman SRC - Depuutei van 't Noord
Jean-Claude Leroy GSA Senateur van den Pas de Calais
Stéphane Saint-André RRDP Depuutei van den Pas de Calais

Andere depuuteis lyk Jean-Pierre Allossery en Jean-Pierre Decool hen oek verangeringen van de wet ineschreeven om nuuze streeketaelen.

Om meer te weeten

De uutzendinge van november 2012 is op den net

: 27 december 2012

Den 2den zaeterdag van elk maend van ten 10en toet ten noene, je kut de uutzendinge van de Akademie voor Nuuze Vlaemsche Taele hurten op Radio Uulspeegel 91.8 FM.

Om te hooren, je kut :		Program van d'uutzendinge :
	dat doen mee 't netkalut hier	De 8ste Taele en Muuzyk Feestdaegen en den 4den streeke en tradysjen salong dien gebeurd hen naer Belle in Oktoober mit een stik of 10000 bezoekers. De nieuwe vergaeringe om de streeketaelen die gebeurd het den 12sten van Oktoober in de ministeerje voor t schoole T weerebegun van de Vlaemsche lessen int schoole en mee de assocyaesjen De jaervergaeringe van de Federaesje om de streeketaelen in de puublyke schoolen die gebeurd het den 27sten en den 28sten van Oktoober in Plestin les Grèves (Bretanje) T nieuw Vlaemsch stikje van den Volkstheater van Westouter mee Jef Leeuwerck die gaet mee nuus zyn om te klappen van Uniroyal (t is de naeme van t stikje) En defrende nieuws
	den MP3 uutgruupen
	je inschryven om nuus podcast te krygen

Aele de oude uutzendingen en nuldere programmen zyn hier te hooren en te leezen...
Hurt wel !

Nieuwe versje van den netwoordenboek

: 27 november 2012

Mee de nieuwe versje van oktoober 2012, je gaet 500 woorden meer vingen.T zyn nuuw 3752 woorden daerin : 1492 Vlaemsche woorden dien verfranscht zyn en 2260 Fransche woorden dien vervlaemscht zyn.En t zyn oek 632 eksplikaesjen, om beeter te verstaen wuk de woorden wullen zeggen, en 45 spreekwoorden of spreekfatsoenen.
Lik veele menschen hen dat nuus evraegd, je gaet eënigste woorden oek in fonetyke te kun leezen en me gaen dat, een lytje op een keer, om den heëlen woordenboek doen.

OVN - 5den Forum om de vraegen van de minderhyden

: 30 november 2012

De Organisaesje van de Vergaerde Naesjen het zyn 5den Forum om de vraegen van de minderhyden operecht.

ELEN (European Language Equality Network = Europeansche Werkgroep om de Gelykighyd van de Taelen), en zen Franschen prezident Tangi Louarn hen eklapt op de vraege van de moeielike situaesje van de taelen van Frankryk in de defrente streeken waervan nuus Vlaenderen.

Je gaet hier den tekst van zyn opzettinge vingen.

Belle : 'T leeven vòòr 't gevecht

: 11 november 2012

De leerlingen van de Vlaemsche lessen van Belle hen 4 theaeterstikjes espilt binste den spektaekel om de verjaerdag van t ende van deerste wèèreldoorlooge. De stikjes klapsten van t leeven van de Bellenaers in dien tyd, tusschen daegeliksche leeven en gevechten.
Misschiens t begun van een Vlaemsche theaetertroppe in Belle ?

Plakkaerd Gazette artykel