Vlamsch 
Français 
English Je gaet hier defrente uutvaelen vinden op 't vlaemsch.
Muuzyke Feestdaegen, Feesten van de taelen, ...
Uutvaelen
Begun van 't oprechten van de Puublyke Office van 't West-Vlamsch
Vandaege is een schoonen dag. 
T is de eerste keer voor nuuze Vlamsche taele, de die van nuuze ouders en nuuze voorouders, dat een officiële beschikkinge evooisd is voor t West-Vlamsch in nuuze Streeke. Vandaege is een grooten dag ! Me en gaen dat moeten nie vergeeten.
Bedankt an de Streeke en an alle de die die voor nuuze taele werken !
Depuuteis vooizingen en West-Vlamsch : de antoorden van de kandidaeten
Lyk de geweunte binst de vooizingen, me hen an de kandidaeten van de drie deëlen van de arrondissement van Duunkerke eschreeven om te weeten wuk ze gaen voor nuuze Vlamsche taele doen et ze evooisd zyn. Me hen vier vraegen estelt en 11 kandidaeten hen antoord. Azoo, al klyken op 't zantje voor te gaen vooizen, je gaet kunnen leezen wien het beloofd van nuuze streeketaele te helpen en hoe ze gaen dat doen.
30sten Kolokke FLAREP nae Montpellier
De kolokke voor de streeketaelen in 't Puublyk schoole het dit jaer nae Montpellier den 22sten, 23sten en 24sten van Oktoober gebeurt .
Achter de verzeekere klaps van de officieële menschen, me hen kunnen hooren wulk de menschen daervan peinzen in 't dageliksch leeven. Veele menschen die mei-edaen hen. 'T was een kolokke van kaliteit dat de FELCO, den CREO Lengadoc en OCBI opericht hen.
Binste den 2den dag van de kolokke me hen kunnen hooren dat de Oksytaensje taele een officieele taele is in de Kataloonje oover de schreeve... maer in Frankryk nie !
Den derden dag me zyn in den CIRDOC egaen, styf schoon alaem voor de Oksytaensje taele en oek de Oksytaensje kuulteure mee 150.000 boeken, CD, plakkers en geschriften. Een eksempel te volgen en een helpe voor kosters en leeraers, voor zoekers en leerlingen.
Om ael te weeten op den kolokke je moet hier klyken
2de Weeke van de West-Vlamsche taele
Voor 't tweede jaer, me gaen een weeke van nuuze streeketaele - 't West-Vlamsch - oprechten en deeze keer van den 6den toet den 13sten van Juuing mee 10 defrente aktiviteiten binst de zeeven daegen : rhetoryke vergaeringe, Vlamsche liedjes, tweëtaeligen voettoer, radio uutzendinge, konferensje, memooriewerk, taele opgaeringe, ... Ael de aktiviteiten zyn oopen buuten de initiaesje in de schoole.Je zyt welekommen !
Handteëken van de 10de keure "Ja om 't Vlamsch" na Westkappel
Zundag den 26sten van garsmaend, me hen de 10de keure « Ja om t Vlamsch » handteekt na Westkappel.
Westkappel is een prochie mit histoorje en bouwkunste. Ze is een van de laetste prochie van Fransch-Vlaende
Spreuken & Spreekwoorden
