De stee van Haezebroek het "Ja om 't Vlamsch" ezeid ! Den burgemeëster Valentin Belleval, de adjoings Sabrina Florquin Blondel en Jean Pierre Bailleul, en den konselheëre voor de Vlamsche Taele Matthieu Fioen hen de 31ste keure voor de tweëtaelige paneels handteëkt.

Haezebroek het 12 poointen van de keure ekoozen en ze het begunt mee de ingangpaneels van de stee te doen staen : HAEZEBROEK. 'T is ton nuu de grootste stee van Vlaenderen tusschen Armentiers en Duunkerke die de promoosje van nuuze patrimooniaele taele, nuuze streeketaele : 't West-Vlamsch gaet doen by de 30 andere steien en durpen dien de keure al handteëkt hen. Een grooten dag voor nuuze taele en nuuze streeke !