Loading color scheme

Nieuws

Netwoordenboek : 2647 woorden derby

Een nieuwe versje van November 2017 is nuu op 't nethuuseke. Ze bedraegt 2647 woorden meer. 
'T zyn nuu 14042 woorden daerin : 6928 Vlamsche woorden (+1270) dien verfranscht zyn en 7117 Fransche woorden (+1377) dien vervlamscht zyn.
En 't zyn oek 2898 eksplikaesjen (+647), om beeter te verstaen wulk de woorden wullen zeggen, en 192 spreekwoorden of spreekfatsoenen (+33).

Me bedanken de letten van den werkgroep "Opgaeringe van de taele" en oek den taelekunstenaere Philippe Simon voor dat ongejhoord werk die styf noodig is voor nuuze taele en 't leëren van 't Westvlamsch.

Den Uutkom - theaeterstiksche in 't Westvlamsch voor de tweë kanten van de schreeve

Volkstheater van Flor BarbryBoeksche van Flor Barbrys Theaeter
De troupe van den Volkstheaeter Flor Barbry voor Fransch-Vlaenderen is weere om een nieuw saizoen mee 't stiksche "Den Uutkom".
Dat stiksche in 't Westvlamsch gaet 33 keers espeelt zyn voor de tweë kanten van de schreeve in 12 prochien van Fransch-Vlaenderen en 15 van Vlaenderen oover de schreeve van den 18sten november toet den 4den maertemaend.
'T is vansichten 't jaer 1954 dat den volkstheaeter speelt mee suukses en je en kunt de stiksches nie gaen zien en hooren zonder lachen ... of kryschen. Die stiksches zyn oek de okkaezje vansichten meer of 50 jaeren van t' hooren dat nuuze streeketaele, een taele van de Vlaemingen van de tweë kanten van de schreeve is. 
Deeze keer, de troupe het een boeksche edrukt mee veele vertoogen van Vlaemingen van deeze kante van de schreeve dien de troupe in nhuldere prochie ontvangen of die djuuste 't stiksche mee leute gaen kyken. Schoone teksten waervan veele in nuuze streeketaele eschreeven : 't Westvlamsch. Je gaet dat boeksche gratis krygen al 't stiksche gaen zien en hooren.
Je gaet den program van dit jaer zien al hier klyken

Netwoordenboek : 2400 woorden derby

Mee de nieuwe versje van september 2017 je gaet 2386 woorden meer vinden. 
'T zyn nuu 11395 woorden daerin : 5658 Vlamsche woorden (+1474) dien verfranscht zyn en 5737 Fransche woorden (+912) dien vervlamscht zyn.
En 't zyn oek 2251 eksplikaesjen (+567), om beeter te verstaen wulk de woorden wullen zeggen, en 159 spreekwoorden of spreekfatsoenen (+14).
Je gaet oek de fonetyke kunnen vinden van alle de nieuwe woorden dien eschreeven zyn.
Klykt maer !

Een gaeve doen om de Vlamsche kuulteure voor den 31sten december ...

…en een afslag van je kontribuusjen krygen van 66 ten honderd in 't jaere 2018, 't is meugelik !

De Akademie voor Nuuze Vlaemsche Taele is vansichten ‘t jaer 2013 van de Direction Générale des Finances Publiques erkent om fiskaele vertoogbrieftjes uut te geeven in ‘t verwisselen van de gaeven en van de enterpryze helpe (Art. 200 en 238 bis van de CGI). ‘T is meugelik van gaeven te doen en fiskaele afslaggen te krygen ael de Vlamsche kuulteure helpen en ooverael ze streeketaele.

‘T geld diet egeeven gaet zyn gaet dienen om ‘t leeren van de schoolejoungens en de groote menschen en oek om den Geschryften Center wel te doen draeien. Je gaet oek de naemen van de menschen dien gaen geeven kunnen leezen om ‘t nethuuseke van de ANVT, deël « Ze doen mei ». Om elke gaeve dat me gaen krygen vóór ‘t ende van ‘t jaer, je gaet een fiskael vertoogbrieftje krygen om je gaeven van je kontribuusjen van ‘t naest jaer te kunnen aftrekken. En ‘t is djuust om de menschen dien nuldere kontribuusjen in Frankryke betaelen.

Om meer te weeten, klykt hier. Om een gaeve te doen mit internet, klykt hier.

Azoo, varre of nie varre van je streeke, je gaet kunnen helpen om de promoosje van je streeketaele ael een deël van je kontribuusjen en oek een eegen helpe geeven.

De Vlamsche lessen in 't schoole en mee d'associaesjen gaen weerebegunnen

Mee 't nieuw schoolejaer de Vlamsche lessen gaen voorwaert. Je gaet nog een keer veele lessen kunnen vingen.
Lessen mee de associaesjen om de groote menschen : ze gaen egeeven zyn in 23 prochien, van Duunkerke toet Belle mee 28 lessen elk weeke van den maendag toet den zaeterdag achternoene. T’ zyn oek nuu 12 konversaesjen waer de menschen gaen Vlamsch kunnen klappen elk maend.
In ’t krutschoole : ’T Vlamsch is eleerd in 4 schoolen van de arrondissement : 3 puublyke schoolen (van den CE2 toet den CM2) en een lyber schoole (van de MS toet den CM2) waer ze kunnen vansichten ’t jaer 2007 de streeketaele leeren. Veele inisiaesjen gaen oek egeeven zyn in de krutschoolen van de arrondissement.

In de koleegen : Dit jaer, een lyber koleege gaet Vlamsche lessen geeven an de jonge menschen van de 6de en oek an de 5de.


Om ael te weeten je moet klyken op 
vlamsche lessen 2017-2018

Subcategorieën

Deze nieuws gaen an 't verbeeteren van 't nethuuseke

Die aktualyteiten klappen van de nieuwe boeken of CDs in 't Vlamsch maer oek van leuteprograms (theater,...)

Je gaet hier defrente uutvaelen vinden op 't vlaemsch.

Muuzyke Feestdaegen, Feesten van de taelen, ...

Je gaet hier d'aktyviteiten van 't gebruuk van 't vlaemsch vinden
Vlaemsche lessen, konversaesjen, ...

Les actualités suivantes concernent directement l'institut.

Exemples: Assemblée Générale, Réunion au Ministère de l'éductation, ...