De Kollokke van de Federaesje voor de Streeketaelen in 't Puublyk Schoole het na Rennes (in Bretanje) begunt mee de vergaeringe van den Raed van de Flarep en het binst 3 daegen gebeurd mee meidoenders van tefrende taelestreeken.

Ton 't zyn rondtaefels die oprecht ewist hen op 't vervolg van de Molacwet en op 't werk tegaere mee de puublyke meidoenders (Staet, Puublyke officen, Streeken, Departementen en ael) voor de streeketaelen. Den voorzitter van de Streeke Loïg Chesnais-Girard en den Depuutei Paul Molac waeren mei.

En den dag dernaer, me hen styf eklapt van 't opleëren van de kosters en van de tefrende vormen van leëren van de streeketaelen in Frankryk en ton van de formaesje van de stuudenten in de Hoogeschoolen. De staetwerkers van 't Puublyk schoole, de syndikaeten, de inevooisde menschen en de associaesjenletten hen mei-edaen. Me hen van de situaesje van West-Vlamsch eklapt en veele eleërd van de situaesje van de andere streeketaelen