Vlamsch 
Français 
English Je gaet hier defrente uutvaelen vinden op 't vlaemsch.
Muuzyke Feestdaegen, Feesten van de taelen, ...
Uutvaelen
Members van de FLAREP zyn naer de Ministeerje van 't Schoole en van de Hoogeschoolen ewist
Den 12sten van kortemaend, een stik of 4 members van de Federaesje om de Streeketaelen in 't Puublyk Schoole is in de Ministeerje van 't Schoole en oek van de Hoogeschoolen egaen.
Achter de vooizinge van de propozysje van de Konstituutionneele wet om de Keure van de streeketaelen te weereteeken en achter de wet van de weerefondaesje van 't schoole, deeze vergaeringe wos operecht om te klappen van alle dan me wullen krygen om nuuze taelen en eerst van de achte poointen dat me hen evraegd binste de jaervergaeringe van de FLAREP en zeekers een echte plekke om 't Vlaemsch in 't tweetaelig leeren.
Vooizinge van de propoozysje van wet om de weereteekeninge van de Keure om de streeketaelen
Dysendag, 70 % van de depuuteis hen evooisd om de
Konstituutionneelewet om de Europeansche Keure van de streeketaelen te
weereteeken. T is een recht suukses. De liefhebbers van de
streeketaelen hen nog nie ewonnen maer ze zyn op den goeden weg !
Den tekst van de propoozysje van wet is nuuw in den Senat ineschreeven om daer oek evooisd te zyn.
Me weeten ael dat zonder de weereteekeninge van de Keure, nuuze streeketaelen gaen een lytje op een keer verdwynen.
Den
tekst dien evooisd het van de depuuteis en is nie den besten van de
weereld maer t is beeter mee die wet of geen wet om nuuze taelen.
En nuuw, hoe hen de depuuteis van nuuze streeke evooisd ?
In
t Noorden : t zyn 62 % van de depuuteis die om de wet evooisd hen en
me moeten de 2 Vlaemsche depuuteis dien in nuuzen Raed zetten bedanken
om wel evooisd te hen : Jean-Pierre Allossery en Jean-Pierre Decool (in
nuuze streeke, hen was aleëne in den UMP van evooisd te hen om de wet).
In t Pas de Calais : t zyn daer 92 % die om de wet evooisd hen !
T maekt 73 % om dheële streeke. T zyn goede nieuws om t Vlaemsch en om t Picaerdsch.
Gy die dat leest, je moet an je depuutei schryven om nhem te bedanken at hy om de wet evooisd het.
Wenschen 2014
Beste maets en liefhebbers van nuuze schoone streeketaele, de Akademie
voor Nuuze Vlaemsche Taele wenscht julder ael een gelukkig en zaelig nieuwejaer
2014.
En me wenschen ael tegaere in t begun van t nieuw jaer dat me gaen
deeze keer respekt en helpe krygen van den Staet om nuuze streeketaelen.
Et den weg nog lang is om blyde te zyn, me wullen hier alle de menschen
bedanken die werken daervooren zounder staen.
Ze weeten wel van wien me klappen
De Konstituusje veranderen om de Euroopeansche Keure om de Streeketaelen te kunnen weereteeken
Achter 5 propoozysjen van konstituusje wet vansichten Oktoober 2013, eën van die teksten gaet ekeeken zyn in den Parlement op dien woensdag 22sten van nieuwejaermand.
Omwyne ? om de Konstituusje te kunnen veranderen om dat Frankryke de Euroopeansche Keure om de Streeketaelen kut weereteeken.
Deeze keer, me hoopen dat de Linksche en de Rechtsche gaen kunnen meiwerken om nuuze taelen te kunnen beschermen en vergruuien
Op de lyste van de depuuteis die de propoozysjen eteeken hen, 2 Vlaemsche depuuteis : Jean-Pierre Allossery en Jean-Pierre Decool.
Toet allicht om meer te weeten.
De 9ste Taele en Muuzyke Feestdaegen 18-19-20/10/2013 - Hondschoote
De 9ste Feestdaegen van de Akademie voor Nuuze Vlaemsche
Taele zyn gereëd !Ze gaen om de eerste keer naer Hondschoote gebeuren, Vlaemsche stei mit een ryke patrimoonje.
Een keer in de Daniel Peenessaele (by de groote platse), de andere keer in
't eksterneere steihuus, den program gaet nog een keer vul zyn : vlaemschinitiaesje
om de schoolejoungens van t stei, konferensje op de historie van nuuze streeke,
vergaeringe van rhetorykers, muuzykespils van oovertyd en van nuuw en kraemtjes
van kuulteure associaesjen van Vlaenderen. En me gaen deeze keer, den 25sten
verjaerdag van de associaesje SOS Blootland vierzen mit een uutneemenden program,
den zaeterdag aevend
Om ael
te weeten van de 9ste Taele en Muuzyke Feestdaegen, je kut oek op 't nethuuseke van de Feestdaegen en op Facebook gaen kyken.
Spreuken & Spreekwoorden
