Vlamsch 
Français 
English Les actualités suivantes concernent directement l'institut.
Exemples: Assemblée Générale, Réunion au Ministère de l'éductation, ...
Nieuws van de ANVT
Vergaeringe in de ministeerje van 't Leëren : lyceën en West-Vlamsch
Bezoek, gister, mee de Federaesje voor de Streeketaelen in 't Puublyk Schoole in de ministeerje van 't Leëren.
Jaervergaeringe van de Akademie voor Nuuze Vlamsche Taele
Vandaege, 't was de jaervergaeringe van de ANVT in 't Steihuus van Kassel.
Veele volk en veele inevooisde menschen om nuus te onderhouden en te helpen. Me hen van passeerde jaer eklapt maer oek veele van nuuze plangs voor 2018 en voor de Puublyke Office van 't WestVlamsch mee de Konselheer en Konselvrouwen van de Streeke.
Bedankt an alle de die dien mee nuus werken voor nuus Vlamsch.
Tourisme, Puublyk office en Vlamsche taele na Steenvoorde
Bénédicte Crepel en Valérie Vanhersel -konselvrouwen van den Streekeraed-, Elisabeth Laurent -directrice van 't Huus van de tourisme van Rysel-, Philippe Masingarbe -voorzitter van den Vlamschen komiteit van Frankryk- en Jean-Paul Couché -voorzitter van de ANVT- waeren na Steenvoorde mee Vlaenderen Streeke Tourisme (Yves Debruyne, Maxime Deplanque en Marie-Ange Ollivier) om te klappen van :
1) wulk de Vlamsche taele kunt an de tourisme bringen
2) de identiteit van de streeke
3) de noodighyd van een Puublyke Office van 't Westvlamsch op te rechten
Waerom : 't werk, 't antrekken van de streeke, 't leeren, de kuulteure, ...
Een gaeve doen om de Vlamsche kuulteure voor den 31sten december ...
en een afslag van je kontribuusjen krygen van 66 ten honderd in 't jaere 2018, 't is meugelik !
De Akademie voor Nuuze Vlaemsche Taele is vansichten t jaer 2013 van de Direction Générale des Finances Publiques erkent om fiskaele vertoogbrieftjes uut te geeven in t verwisselen van de gaeven en van de enterpryze helpe (Art. 200 en 238 bis van de CGI). T is meugelik van gaeven te doen en fiskaele afslaggen te krygen ael de Vlamsche kuulteure helpen en ooverael ze streeketaele.
T geld diet egeeven gaet zyn gaet dienen om t leeren van de schoolejoungens en de groote menschen en oek om den Geschryften Center wel te doen draeien. Je gaet oek de naemen van de menschen dien gaen geeven kunnen leezen om t nethuuseke van de ANVT, deël « Ze doen mei ». Om elke gaeve dat me gaen krygen vóór t ende van t jaer, je gaet een fiskael vertoogbrieftje krygen om je gaeven van je kontribuusjen van t naest jaer te kunnen aftrekken. En t is djuust om de menschen dien nuldere kontribuusjen in Frankryke betaelen.
Om meer te weeten, klykt hier. Om een gaeve te doen mit internet, klykt hier.
Azoo, varre of nie varre van je streeke, je gaet kunnen helpen om de promoosje van je streeketaele ael een deël van je kontribuusjen en oek een eegen helpe geeven.
De ANVT en den Raed van den Departement
<=== De ANVT (JP Couché en Benedicte Crepel) was den 9sten van Oktoober mee Brigitte Astruc-Daubresse (onder-prezidente van den Departement van 't Noorden voor de tourisme en 't leeven van de associaesjen) nae La Gorgue om te werken op "Me goesten in Vlaenderen", een ekspozysje die gaet nae Rysel gebeuren op nuuze streeke in 't Huus van de Tourisme waer de bezoekers nuuze schoone streeketaele gaen kunnen hooren lik 't teëken van de streeke.Jean-Paul Couché, voorzitter van de ANVT, was den 10sten van Oktoober nae Rysel in den Raed van den Departement van 't Noorden om mei te doen mee Sylvie Labadens, onder-prezidente voor de Internationale Zaeken voor een vergaeringe op "de Vlamsche taele en 't werk op de tweë kanten van de schreeve". Ze zyn alle tweë gereëd om tegaere te werken. ===>
Spreuken & Spreekwoorden
