De Akademie voor Nuuze Vlaemsche Taele is djuuste 20 jaer oud en ze het nheur Jaervergaeringe houden in 't schoon steihuus van Kassel. Achter de verhaeltse van de aktiviteiten en de reekelinge van 2023 en de vooizingen, me hen eklapt van 't gonne dan me ekreegen hen voor 't West-Vlamsch binst deeze 20 jaeren. Me hen ontvangd ewist van Mr den burgemeëster van Kassel Dominique Joly. De Senatryce en Konselvrouwe van de Streeke Marie-Claude Lermytte-Bavay, den Depuutei Paul Christophe, den Konselheër van 't Departement Stéphane Dieusaert, de Konselvrouwe van Duunkerque en van de CUD Delphine Castelli en den Eërelet van den Parlement Jean-Pierre Decool, en den Burgemeëster van Kaester Jean-Luc Schricke waeren mei om nuuze Akademie te steunen lyk veele associaesjenvoorzitters en liefhebbers van nuuze streeketaele. Om te volenden, den ondervoorzitter van de Streeke voor de Streeketaelen François Decoster was ekommen om te zeggen dan de Streeke Top van Frankryk en nheur voorzitter Xavier Bertrand nuus steunt en oek den plang van 't oprechten van de Puublyke Office van 't West-Vlamsch. Een vergaeringe van alle de meidoenders van deezen plang gaet haest operecht zyn.

Een schoone Jaervergaeringe !