Vandaege, 't wos de 23ste Jaervergaeringe van de Akademie voor Nuuze Vlaemsche Taele na Broekkerke. Me hen ontvangd ewist van ze nieuwe burgemeësteresse, Anne-Sophie Baudchon.

Om te begunnen, me hen, lyk yder jaer, van alle de aktiviteiten en de reekelingen van passeerde jaer eklapt. De geldhelpers, de voorzitters en de letten van de associaesjen van nuuze federaesje, en alle de liefhebbers van 't West-Vlamsch dien daer waeren hen kun hooren ael 't werk die edaen ewist het van nuuze vrywilligen en diensters voor de nuuze streeketaele.

Mevrouwe de Senatryce Marie-Claude Lermytte die oek in de naeme van de Streeke Top van Frankryk daer wos, het nheur blydschap ezeid voor dat werk voor nuuze kuulteure en het oek 't geschrift van de Streeke eleezen die evooisd ewist het in Wintermaend om de Puublyke Office van 't West-Vlamsch te oprechten.

Me hen ton paneels in 't Vlamsch egeeven eegen Mevrouwe Baudchon voor de winkels van Broekkerke.

En de kosters van 't West-Vlamsch in 't schoole hen van 't alaem eklapt dan ze gebruuken om een streeketaele te doen leëren. 'T wos styf interessant en de menschen hen verstaen hoe ze zoveele werken om 't alaem gereëd te doen. Ze zyn alle te bedanken.

Een schoone jaervergaeringe na Broekkerke !!!

 

Je kut de portrets kyken op nuuze Facebookpaege