Me hen vandaege mei-edaen mee de eërste vergaeringe van den Akademyken Raed voor de Streeketaelen van 't schoolejaer 2025-2026.

Me zyn blyde van te weeten dan de schooliers  dien 't West-Vlamsch leëren in de puublyke schoolen en kolleegen zyn nuu 46% meër of passeerde jaeren. 3 nieuwe schoolen (Kaedyper, Roebroek en Maerkappel) en eën nieuwe kolleege (Bergen) maer oek 19% leërlingen meër in de schoolen waer dat de streeketaele al eleërd wos binst 't schoolejaer 2024-2025

'T zyn der nuu 13 schoolen en 5 kolleegen en 577 leërlingen in de puublyk- en lyberschoolen.

Me hen begunnen van te klappen van 't naest schoolejaer en van de nieuwe schoolen waer dat 't West-Vlamsch gaet eleërd zyn om de Molacwet te respekteeren.

De Akademie moeten nuu nieuwe kosters vinden en formaesjen geeven voor de deezen dien dat leëren en de Hoogeschoolen moeten formaesjen geeven voor de stuudenten dien wullen koster zyn.

Kaerte van 't Leëren van 't West-Vlamsch