Lik je kut ’t leezen op de gazetten of op Facebook, van langs te meër prochien van nuuze streeke werken nuu mee nuuze Akademie om Vlamsche of tweëtaelige paneels te maeken en ’t is styf wel azoo voor nuuze kuulteure, voor nuuze streeke, voor nuuze streeketaele.

Om dat beeter te doen weeten, me hen beschikt van een Gazette van de Keure te maeken voor de burgemeësters en oek voor ael de liefhebbers van nuus West-Vlamsch, ter eëre van ’t werk diet edaen is.

En je moet nie vergeeten dat de Streeke Top van Frankryk doet mei al geld geeven om de paneels te kun maeken.