Zaeterdag den 6den van Wintermaend, Elizabeth Boulet, burgemeësteresse van Meeter (en oek onder-voorzitteresse van de Vergaeringe van ‘t Herte van Vlaenderen ) het de 61ste keure voor de twëtaelighyd « Ja om ‘t Vlamsch » handteëkt mee 7 pointen van de keure en ze het begunt mee de naeme van de prochie : Meeter.

Elizabeth Boulet het ezeid dan nheur voorouders kunste Vlamsch klappen en dat ze tystig is van geën Vlamsch te kun klappen. Ze het beschikt mee nheur Konsel van te werken na Meeter voor nuuze streeketaele en ze het hoope dat ‘t West-Vlamsch zoudt kun eleërd zyn in de schoolen van Meeter om dan de jongens kun de streeketaele weere klappen. Me gaen ze helpen !

Marie Lermytte, senatryce van ‘t Noorden en konselvrouwe van de Streeke, en César Storet, burgemeëster van Sint-Janskappel en oek ondervoorzitter van ‘t Herte van Vlaenderen, waeren mei om te zeggen hoe dan ze blyde zyn.