Den Volkstheaeter voor Fransch-Vlaenderen is nog een keër daer mit een nieuw stiksche dan ze gaen 14 keërs speelen op deeze kante van de schreeve en in 't West-Vlamsch om nuuze streeketaele te kun hurten en veele leute hen ! Schryft maer je zeere in !

Program 2025-2026

In ‘t kort :

De wyke van Peezelhoek ligt op de Fransche kante van de Schreeve, nie varre van Belle. De Peezelbeeke is een waeterloop die op ‘t land tusschen de Vlamsche bergen loopt. ‘T is op dat wonderlik hoeksche dat Daniel Dekeyser en ze wuuf Monique beboeren. De Hofstee Dekeyser is een boerderie die wel ekend is in de streeke. Ze het afedeëld ewist van vaeder toet zeune vansichten drie generaesjen. Maer voor hoeveele tyd nog ? Deur de verwarminge van ‘t weere, de droogte is een plaege voor ‘t fruut en de weën. ‘T waeter is assan te kort en dat doet veele schae voor de planten en de beesten. Monique het er enoeg van te kruuwen. Maer Daniel, mee ze voeten in de Vlamsche klyte, en wult nie laeten vaelen. Maer nuu … wien gaet er dat ooverneemen ? Laurence, nhulder dochter is steekeege en ze is jongdochter. En ze en hen maer een zeune en hen het wegeloopen van ‘t huus achter een slichte rulle mee ze keikop van een vaeder. ‘T en is ton niemand meër om te beboeren achter Daniel en Monique. En nuu ? Wuk doen ? De Keysers zyn lyk moe-eklaeuwierd, ze zyn oover ‘t zeeven. Wyne gaet er nuu haeperen ? Vaneëgen, den Departementraed van ‘t Noorden het beschikt van plangs te trekken teegen de verwarminge van ‘t weere. Maer gaet dat enoeg zyn ? Of de soluusje gaet er van etwot angers kommen ? Een trystige situaesje, maer een situaesje van nuu … om te lachen en te kryschen… ‘T is heël zeeker den oprechten Volkstheaeter Flor Barbry voor Fransch-Vlaenderen.