Vrydag den 29sten van Oest, inauguuraesje van de audiobezoekleëders in ‘t West-Vlamsch na den Muuzee Benoît-De-Puydt van Belle, mee Menheër Nicolas Lefebvre, adjoing van Menheër den Maire van Belle.

Mit een zuk geryvig kalut, alle de Vlamsche bezoekers van Frankryk of van de Belgyken, kun nuu de kolleksjen van den Muuzee ontdekken in nhulder moedertaele, of in de taele dan ze eleërd hen en/of in de taele van nhulder voorouders. ’T is de associaesje Vlaemsche Taele in Bellestreeke diet de vervlamschingen edaen het, en de Akademie voor nuuze Vlaemsche Taele diet de fabrykaesje van de audiobezoekleëders operecht het in den kaeder van nheur plangs esteund van de puublyke geldhelpers.

De Stee van Belle is styf te bedanken voor deeze schoone doening voor de Vlamsche taele. Den Muuzee Benoît-De-Puydt is nuu den drieden muuzee om zukke audiobezoekleëders in streeketaele te hen, achter ’t Huus van den Peeneslag van Peene en den Duunenfoort van Laffernhoeke.