D'Akademie voor Nuuze Vlaamsche Tale het mee d'hulpe van de member-assosyaesjen en van de medewerkers de 3de Tale en Muuzyk Feestdagen opericht. D'eersten waeren in Kasselberg en de tweeden in Wormhout. 'T is nu 'n toer van Ekelsbeke van de Feestdagen t' oprichten.
Deze Feestdagen zyn edaen voor de menschen die de vlaamsche tale en de vlaamsche muuzyk geern hen. Ze gaen de streketale kunnen horen en lezen. Ze gaen die tale kunnen horen mee de joungens die gaen bezien van vlaamsch te klappen, mee de rederykers, mee de volksmuuzyk en oek mee de muuzyk van nu. 'T gaet oek d'okkaesje zyn voor de dichters en zangers, joung of oud, liefhebbers van de vlaamsche tale, van nulder kunste te togen. En wyder, me gaen ze kunnen moed geven om vorsttedoen.
Al de members van d'Akademie die voor de Feestdagen werken zyn blyde van je te noden 'n 13sten en 'n 14sten van Oktober in 't Huus van 'n Westhoek op de plaetse van Ekelsbeke.
==> 'N program