Dunderdag, den 28sten van November, ‘t stei van Bergen en ze burgemeëster Paul-Loup Tronquoy hen de 56ste Keure « Ja om ‘t Vlamsch » handteëkt in de Witte Saele van ‘t Steihuus. De saele wos plonkede vul van Bergenaers en Bergeneegen, leërlingen van de Vlamsche lessen, maets en liefhebbers van nuuze streeke van Vlaenderen en oek schoolejongens van de Lamartineschoole dien ‘t West-Vlamsch leëren mee nhulder koster Mr Hoestlandt.

Elk schoolejongen wos peeter of meeter van een martpaneel van ‘t stei van ‘t Peerdemart toet ‘t Vischmart en ze hen tegaere ‘t Reuzelied ezongen. Na Bergen ‘t zyn oek, van lange eleën, 4 lessen van ‘t Vlamsch voor de groote menschen en een anymaesje, elk maend, in ‘t oudemanschenhuus Sinte- Augustynus.

T’ zyn nuu meër of 50 % van de prochien van de arrondissement van Duunkerke dien de Keure handteëkt hen !