Zaeterdag, ’t wos de Jaervergaeringe van de ANVT na Kassel mit een vriendlik ontvang van ze burgemeëster Dominique Joly.

Me hen van alle de aktiviteiten van passeerde jaer eklapt : voor 't leëren van 't West-Vlamsch, de tweëtaelige paneels, de promoosje van nuuze streeketaele en van nuuzen boekencenter, van nuuze drukkingen en van 't werk mee de andere associaesjen voor de streeketaelen. Me hen oek de plangs voor 2022 etoogd. 

Me waeren mee de letten van den Raed, mee kosters van nuuze Streeketaele en voorzitters van Vlamsche associaesjen, mee leerlingen van de Vlamsche lessen, mee burgemeësters dien de Keure « Ja om ’t Vlamsch » handteëkt hen en nog liefhebbers van nuuze streeketaele.

Den Senataer Jean Pierre Decool, de Konselvrouwen van de streeke Edith Varet en Marie-Claude Lermytte-Bavay, de konselvrouwe van den Departement Anne Vanpeene, veele burgemeësters en andere inevooisde menschen waeren oek daer !