Vandaege, lyk in 55 andere steien van Frankryk mee den groep "Om nuuze taelen te doen leeven", me zyn vooren den Rectorat van Rysel egaen om een vergaeringe te maeken om te zeggen hoe me gram zyn voor 3 reedens :

• me wullen dat 't West-Vlamsch kut eleërd zyn in alle de schoolen van Fransch-Vlaenderen en opeteëkt op de officieëlen teksten
• me wullen dan de kooze van 't Leëren van de streeketaele nog een keër meugelik zoudt zyn in de lyceen
• me wullen dan 't leëren heëlegansch in de streeketaele kut epropooseerd zyn in de krutschoolen

Den senataer Jean-Pierre Decool is nae Wormhout ekommen om nuus te steunen voor nae Rysel te gaen. De konselvrouwe van de Streeke, Valérie Vanhersel, wos mei nae Rysel. Den burgemeëster van Wormhout, Frédéric Devos, den ondervoorzitter van de CCFI, César Storet, en de onderburgemeëster van Haezebroek, Audrey Scherrier, waeren oek mei.

Den direkteur van den Rectricebuurow, Hervé Teirlynck, is eegen nuus ekommen om te zeggen dat den Rectorat nuus hoord het en dat de rectrice gaet nuus maendag ontvangen om van de situaesje van nuus Vlamsch te klappen en tegaere te werken om soluusjen te vinden.

Me hen een geschriftwerk eegen nhem egeeven om die vergaeringe gereëd te doen

Me gaen nuu gewaerig zyn deurdat 't en kut nie djuust dinne klaps zyn.

'T wos een eërsten stap vandaege. Maer let op !