Zundag, me hen de 50 keuren evierd na Bambeeke mee Burgemeësters, inevooisde menschen en liefhebbers van nuuze Vlamsche taele.

Philippe Masquelier, burgemeëster van Vleeter, prochie die de eërste keure handteëkt hadde in 't jaer 2015, het ezeid hoe de Vleeternaers en Vleeterneegen blyde zyn van de paneels te zien voor nhulder patrimoonje. Jean-Pierre Decool, eërelet van 't Parlement het eklapt van 't werk van de ANVT en de inevooisde menschen vansichten bekan 20 jaeren. Marie Lermytte, senatryce en konselvrouwe van de Streeke, het ezeid hoe de Streeke nuuze streeketaele steunt. Me hen oek eklapt van 't werk van de vrywilligen en van de diensters van nuuze Akademie voor nuuze streeketaele en me hen alle de prochien bedankt voor alle de Vlamsche paneels dan me kun nuu zien langs de straeten van Fransch-Vlaenderen. En me hen volendt mee 't handteëken van de keure van Bambeeke !!! Een schoone voornoene onder de zunne voor 't West-Vlamsch !