Zeskappel en nheur burgemeësterinne Chantal Comyn hen de 47ste keure « Ja om ’t Vlamsch » handteëkt. Zeskappel is een prochie mit histoorie en bouwkunste. De patrimoonje is daer ooveral en nuuze streeketaele is een deël van de Vlamsche patrimoonje.

'T is dervooren dat de prochie de keure handteëkt het. Ze hen 6 pointen van de lyste ekoozen om te begunnen en me gaen ze helpen om ze te kunnen doen. De tweëtaelige ingangpaneels hen al emaekt ewist het en zyn gereëd om inzetten te zyn. Den Senataer Jean-Pierre Decool, den Departementraedsman Patrick Valois en de Konselvrouwe van de Streeke Edith Varet zyn oek te bedanken om ekommen te zyn.